ఆవాహన
పసి మెదడుకు స్టార్ కనెక్షన్ ఇచ్చి
చెవుల్లో కసి సంగీతం పోసి
కళ్ళలో చలన చిత్ర కాల కూటం నింపి,
హృదయంలో హింసను కూరి,
చేతుల్లో స్వార్థపు తాయిలం పెట్టి,
భవితలోకి నడవమంటే,
సంక్షేమ గృహాలు సాని కొంపలు కావా ?
వావి వరుసలు వల్లకాడయిపోవా?
ఆ భావి పౌరుడినీ ,
భవిష్యత్ సంస్కృతీ చిత్రాన్నీ ,
తలుచుకుంటేనే భయంగా ఉంది
కలకత్తా కాళిక నాలుకలూ
రుద్రాళిక నయనజ్వాలికలూ
విద్వంసక పిశాచ నృత్యాలూ
దాపునే ఉన్నట్లుంది
హాలాహలాన్ని సెన్సార్ చేసిన
హరహరా నీవెక్కడ
ఈ అణు యుగపు రేడియేషన్ ను
సెన్సార్ చేసే మేధావి గా రావా
లేకుంటే ...........
ఈ మానవ బాంబులు వ్రేల్చిన బూడిదే
నీకు విభూది అవుతుంది
కామెంట్‌లు లేవు:
కామెంట్‌ను పోస్ట్ చేయండి